நீங்கள் தேடியது "வங்கிகள் வேலை நிறுத்தம்"

ஊதிய உயர்வு ஒப்பந்தம் உட்பட பல்வேறு கோரிக்கைகளை வலியுறுத்தி, அகில இந்திய வங்கி அதிகாரிகள் கூட்டமைப்பினர் நாளை, (டிசம்பர் 21) வேலை நிறுத்தத்தில் ஈடுபடவுள்ளனர். இதனால் பணப்பரிமாற்றங்கள் பாதிக்கப்படும் அபாயம் ஏற்பட்டுள்ளது. அதைத் தொடர்ந்து வாரத்தின் 4-வது சனிக்கிழமை (22-ந்தேதி) வங்கி விடுமுறையாகும். மறுநாள் 23-ந்தேதி ஞாயிற்றுக்கிழமை வழக்கமான விடுமுறையாகும்.

நாளை 21-தேதி முதல் 26-ந்தேதி வரை இடையில் 24-ந்தேதி ஒருநாள் தவிர 5 நாட்களும் பணம் டெபாசிட், காசோலை பரிவர்த்தனை, பணம் எடுத்தல் உள்ளிட்ட அனைத்து பணிகளும் பாதிக்கப்படும். வணிகர்கள், தொழில் நிறுவனங்கள், கம்பெனிகள் போன்றவை பணம் மற்றும் காசோலை பரிமாற்றம் செய்ய முடியாமல் கடும் பாதிப்பை சந்திக்க கூடும்

ஆனால் அனைத்து வங்கிகளின் ஏ.டி.எம். மையங்களும் செயல்படுவதற்கு ஏற்பாடு செய்யப்பட்டுள்ளன. வெள்ளி, சனி, ஞாயிறு, 3 நாட்கள் தொடர்ச்சியாக மூடப்படுவதால் இன்று மாலைக்குள் ஏ.டி.எம்.களில் பணம் முழுமையாக நிரப்பப்படுகின்றன.

24-ந்தேதி ஒருநாள் வங்கிகள் செயல்படுவதால் அன்று அனைத்து சேவைகளும் முழுமையாக கிடைக்கும். ஏ.டி.எம். மையங்களில் மீண்டும் பணத்தை நிரப்பி வைக்க திட்டமிட்டுள்ளனர். #BankStrike #BankHolidays

ஐதராபாத்:

தேனா வங்கி, விஜயா வங்கி மற்றும் பாங்க் ஆப் பரோடா ஆகிய 3 வங்கிகளை இணைப்பதற்கு எதிர்ப்பு தெரிவித்து நாடு முழுவதும் வருகிற 26-ந் தேதி வங்கிகள் வேலை நிறுத்தத்தில் ஈடுபட உள்ளதாக வங்கி தொழிற்சங்கங்களின் ஐக்கிய மன்றம் அறிவித்து உள்ளது.

தேசிய மயமாக்கப்பட்ட வங்கிகளான மும்பையை மையமாக கொண்டு இயங்கும் தேனா வங்கி, பெங்களூருவை மையமாக கொண்டு செயல்படும் விஜயா வங்கி மற்றும் பாங்க் ஆப் பரோடா ஆகிய 3 வங்கிகளை ஒன்றாக இணைப்பதற்கு மத்திய அரசு முடிவு செய்துள்ளது.

இதன்மூலம் உருவாக்கப்படும் புதிய வங்கி குஜராத்தை மையமாக கொண்டு இயங்குவதுடன், பாரத ஸ்டேட் வங்கி மற்றும் எச்.டி.எப்.சி. வங்கி ஆகியவற்றுக்கு பிறகு 3-வது பெரிய வங்கியாக இருக்கும் எனவும் மத்திய அரசு அறிவித்தது.

மத்திய அரசின் இந்த முடிவுக்கு வங்கி ஊழியர் சங்கங்கள் கடும் எதிர்ப்பு தெரிவித்தன. இதன் தொடர்ச்சியாக மேற்படி வங்கிகள் இணைப்புக்கு எதிராக நாடு தழுவிய வேலை நிறுத்தத்தில் ஈடுபட வங்கி தொழிற்சங்கங்கள் முடிவு செய்துள்ளன.

அதன்படி வருகிற 26-ந்தேதி நாடு முழுவதும் ஒருநாள் வேலை நிறுத்தம் நடைபெறும் என வங்கி தொழிற்சங்கங்களின் ஐக்கிய மன்றம் நேற்று அறிவித்து உள்ளது. மும்பையில் நேற்று முன்தினம் நடந்த ஆலோசனை கூட்டத்தில் இந்த முடிவு எட்டப்பட்டது. இந்த அமைப்பில் 9 தொழிற்சங்கங்கள் அங்கம் வகித்து இருப்பது குறிப்பிடத்தக்கது.

இந்த அமைப்பில் அங்கம் வகிக்கும் அனைத்து இந்திய வங்கி ஊழியர் சங்கத்தின் பொதுச்செயலாளரான வெங்கடாச்சலம், இந்த தகவலை நேற்று வெளியிட்டார். மேற்படி வங்கிகளை இணைப்பதில் மத்திய அரசும், அந்த வங்கிகளும் மும்முரமாக ஈடுபட்டு இருப்பதால் இந்த வேலை நிறுத்த முடிவை மேற்கொண்டு இருப்பதாகவும் அவர் கூறினார். இந்த வேலை நிறுத்தத்தில் வங்கிகளின் 9 தொழிற்சங்கங்களும் பங்கேற்கும் எனவும் அவர் தெரிவித்தார்.

இதைப்போல மத்திய அரசின் மக்கள் விரோத பொருளாதார கொள்கைகள் மற்றும் தொழிலாளர் விரோத கொள்கைகளை கண்டித்து தேசிய தொழிற்சங்க மாநாடு சார்பில் அடுத்த மாதம் (ஜனவரி) 8 மற்றும் 9-ந்தேதிகளில் நடைபெற உள்ள நாடு தழுவிய பொது வேலை நிறுத்தத்திலும் அனைத்து இந்திய வங்கி ஊழியர் சங்கம் பங்கேற்கும் எனவும் அவர் கூறினார்.  #BankStrike #December26 #BankMerger

விழுப்புரம்:

ஊதிய உயர்வு உள்ளிட்ட கோரிக்கைகளை நிறைவேற்றக்கோரி 2 நாள் நாடு தழுவிய அளவில் வேலை நிறுத்த போராட்டம் நடத்தப்படும் என்று அகில இந்திய வங்கி சங்கங்களின் கூட்டமைப்பினர் தெரிவித்தனர். ஊதிய உயர்வு தொடர்பாக நேற்று நடந்த பேச்சுவார்த்தையில் முடிவு ஏற்படவில்லை. இதனால் ஏற்கனவே அறிவித்தப்படி இன்று முதல் 48 மணி நேர வேலை நிறுத்த போராட்டத்தில் வங்கி ஊழியர்கள் ஈடுபட்டனர்.

விழுப்புரம் மாவட்டத்தில் 145 தேசியமயமாக்கப்பட்ட வங்கிகள் உள்ளன. இதில் 1500-க்கும் மேற்பட்ட ஊழியர்கள் பணிபுரிந்து வருகின்றனர். வேலை நிறுத்தம் தொடங்கி உள்ளதால் ஊழியர்கள் யாரும் பணிக்கு வரவில்லை. வங்கிகள் மூடப்பட்டுள்ளன. இதனால் பணபரிவர்த்தனை செய்ய முடியாமல் பொதுமக்கள் பாதிக்கப்பட்டுள்ளனர். திறந்திருந்த ஒரு சில வங்கிகளிலும் பெரும்பாலான ஊழியர்கள் பணிக்கு வரவில்லை. இதனால் வங்கி வெறிச்சோடி காணப்பட்டது. இந்த வேலைநிறுத்தத்தால் விழுப்புரம் மாவட்டத்தில் இன்று ரூ.150 கோடி அளவுக்கு பணபரிவர்த்தனை பாதிக்கப்பட்டது.

கடலூர் மாவட்டத்தில் 185 தேசிய மயமாக்கப்பட்ட வங்கிகள் உள்ளன. 1650 ஊழியர்கள் பணிபுரிந்து வருகின்றனர். வேலை நிறுத்தத்தால் ஊழியர்கள் பணிக்கு செல்லவில்லை. மாவட்டத்தில் உள்ள அனைத்து தேசிய மயமாக்கப்பட்ட வங்கிகளும் மூடப்பட்டுள்ளன. மாத கடைசி என்பதால் சம்பளம் பணம் வங்கியில் போடும் பணி பாதிக்கப்பட்டுள்ளது. இதனால் ரூ.200 கோடி அளவுக்கு பணபரிவர்த்தனை பாதிக்கப்படும் சூழ்நிலை ஏற்பட்டுள்ளது.

வங்கி ஊழியர்கள் இன்று மற்றும் நாளை ஆகிய 2 நாட்கள் வேலை நிறுத்தத்தில் ஈடுபடுவதால் நேற்று இரவு முதலே ஏ.டி.எம்.களில் வாடிக்கையாளர்கள் பணத்தை எடுத்து வருகின்றனர். போராட்டம் முடிந்த பின்னர் தான் ஏ.டி.எம்.களில் பணம் நிரப்பப்படும் என்பதால் ஏ.டி.எம்.களில் பணம் இன்றே காலியாகும் சூழ்நிலை ஏற்பட்டுள்ளது. இதனால் இன்று ஏ.டி.எம்.களில் பணம் எடுக்க வாடிக்கையாளர்களின் கூட்டம் அலைமோதியது.

விழுப்புரத்தில் இன்று காலை வங்கி ஊழியர் கூட்டமைப்பு சார்பில் கே.கே.சாலையில் உள்ள ஸ்டேட்பாங்க் முன்பு ஆர்ப்பாட்டம் நடைபெற்றது. இந்த ஆர்ப்பாட்டத்தில் ஊதிய உயர்வு வழங்கக்கோரி கோ‌ஷங்கள் எழுப்பப்பட்டன. இதில் ஏராளமான வங்கி ஊழியர்கள் கலந்து கொண்டனர். #BankStrike

சென்னை:

வங்கி ஊழியர்களுக்கு 2017 நவம்பர் மாதத்திற்கு பிறகு ஊதிய உயர்வு வழங்கப்படவில்லை.

ஊதிய உயர்வு தொடர்பாக இந்திய வங்கிகள் சங்கம் கடந்த 6-ந்தேதி வங்கி சங்கங்களின் ஐக்கிய கூட்டமைப்புடன் பேச்சு வார்த்தை நடத்தியது.

இதையடுத்து டெல்லியில் நேற்று முன்தினம் நடந்த சமரச பேச்சுவார்த்தையும் தோல்வி அடைந்தது. ஊதிய உயர்வு திருப்திகரமாக இல்லாததால் திட்டமிட்டப்படி 2 நாள் வேலை நிறுத்தத்தை இன்று தொடங்கினார்கள்.

அகில இந்திய வங்கி ஊழியர் சங்கம் உள்ளிட்ட 9 சங்கங்கள் அடங்கிய கூட்டமைப்பு நாடு முழுவதும் வேலை நிறுத்தத்தில் ஈடுபட்டுள்ளன.

தமிழகத்திலும் புதிதாக தொடங்கப்பட்ட தனியார் வங்கிகள் தவிர அனைத்து வங்கி ஊழியர்களும் இந்த ஸ்டிரைக்கில் கலந்து கொண்டனர்.

10,500 வங்கி கிளைகளில் பணியாற்றக்கூடிய 45 ஆயிரம் ஊழியர்கள் இதில் பங்கேற்றதால் வங்கி சேவை கடுமையாக பாதிக்கப்பட்டது.

வங்கிகள் மூடப்பட்டதால் வாடிக்கையாளர்கள் பணம் எடுக்கவோ, போடவோ முடியவில்லை. டெபாசிட் செய்யவும் இயலவில்லை.

காசோலை பரிவர்த்தனை, பணமாற்றம், அந்நிய செலாவணி மாற்றம் உள்ளிட்ட அனைத்து வங்கி நடவடிக்கைகளும் முடங்கின. அரசு கருவூல பணிகள், ஏற்றுமதி, இறக்குமதி பணபரிமாற்றம், கடனை திருப்பி செலுத்துதல் போன்ற பணிகள் பாதிக்கப்பட்டுள்ளது.

ஏ.டி.எம். மையங்களில் நிரப்பி வைக்கப்பட்ட பணம் காலியானதால் மக்கள் பெரும் சிரமத்திற்கு ஆளாகி வருகின்றனர்.

சென்னையில் ஊழியர்கள் பணிக்கு செல்லாததால் வங்கிகள் மூடப்பட்டன. வங்கிகளின் மண்டல அலுவலகம், தலைமை அலுவலகங்களில் மட்டும் அதிகாரிகள் பணிக்கு வந்தனர்.

வங்கி ஊழியர்கள் வேலை நிறுத்தம் நாளை வரை நீடிப்பதால் ஏ.டி.எம்.களில் பணத்தட்டுப்பாடு அதிகரிக்கும் அபாயம் உள்ளது. பணம் உள்ள சில ஏ.டி.எம்.களில் கூட இன்று மாலைக்குள் தீர்ந்து விட வாய்ப்பு உள்ளது.

வங்கிகளுக்கு நேரில் சென்று பெரும் தொகை எடுக்க முடியாதவர்கள் அவசர தேவைகளை சமாளிக்க ஏ.டி.எம்.களை மட்டுமே நாட வேண்டியுள்ளது. இதனால் ஏ.டி.எம். மையங்களில் கூட்டம் அதிகமாக உள்ளது.

வங்கிகள் மூடப்பட்டதால் வியாபாரிகள், வர்த்தக பிரமுகர்கள், சிறு தொழில் செய்யக் கூடியவர்கள், கம்பெனியை சார்ந்தவர்கள் கடுமையாக பாதிக்கப்பட்டனர்.

வேலை நிறுத்தத்தில் ஈடுபட்டுள்ள வங்கி ஊழியர்கள் சென்னை கலெக்டர் அலுவலகம் அருகில் உள்ள இந்தியன் வங்கி முன்பு இன்று காலையில் கூடி ஆர்ப்பாட்டம் செய்தனர். அகில இந்திய வங்கி ஊழியர் சங்கங்களின் கூட்டமைப்பு பொதுச்செயலாளர் சி.எச்.வெங்கடாசலம் தலைமையில் நடந்த போராட்டத்தில் ஆயிரத்திற்கும் மேற்பட்ட ஊழியர்கள் கலந்து கொண்டு கோரிக்கைகளை வலியுறுத்தி கோ‌ஷங்களை எழுப்பினர்.

போராட்டம் குறித்து வெங்கடாசலம் நிருபர்களிடம் கூறியதாவது:-

வங்கி ஊழியர்களின் நியாயமான கோரிக்கைகளை மத்திய அரசு ஏற்காமல் பிடிவாதம் செய்து வருகிறது. பெரும் முதலாளிகளுக்கு ஆதரவாக செயல்படும் மத்திய அரசு, வங்கி ஊழியர்களின் சம்பள உயர்வில் மட்டும் பிடிவாதம் செய்வது ஏன்?

பல ஆயிரம் கோடி வராத கடன்களை வசூலிக்க நடவடிக்கை எடுக்காமல் விட்டு விடுகிறார்கள். எங்களது கோரிக்கையை நிறைவேற்றாவிட்டால் இனி அடுத்த கட்ட போராட்டம் தீவிரமாக இருக்கும்.

இவ்வாறு அவர் கூறினார். #BankStrike

சிம்லா:

வங்கி பணியாளர்களின் சம்பள உயர்வு தொடர்பாக இந்திய வங்கிகள் சங்கத்தின் தாமதம் மற்றும் அரசின் மெத்தனப்போக்கை கண்டித்து வரும் 30, 31 தேதிகளில்  வேலைநிறுத்தம் நடத்த தீர்மானிக்கப்பட்டதாக வங்கி பணியாளர்கள் மற்றும் அலுவலர்கள் ஐக்கிய கூட்டமைப்பின் இமாச்சலப்பிரதேசம் மாநில ஒருங்கிணைப்பாளர் பிரேம் வெர்மா தெரிவித்துள்ளார்.

இந்திய வங்கிகள் சங்கத்தால் அறிவிக்கப்பட்ட 2 சதவீத சம்பள உயர்வும்,  சில வங்கிகளில் மூன்றாம் படிநிலை பணியாளர்கள் வரைதான் அளிக்கப்படுகிறது. இதை கண்டித்தும் எங்கள் அமைப்புக்கு உட்பட்ட 9 சங்கங்களின் சார்பாக இந்த போராட்டம் நடைபெறும் என அவர் குறிப்பிட்டுள்ளார்.#BankStrike